Борбор калаада Тажикстандын маданий иш-чаралары 13-июнга чейин уланат. Өкмөттөн кабарлашкандай, жумалык Токтогул Сатылганов атындагы улуттук филармонияда тажик артисттеринин концерти менен башталат. Гапар Айтиев атындагы сүрөт музейинде коңшу өлкөнүн сүрөтчүлөрүнүн эмгектери көргөзмөгө коюлат. 10-июндан тарта Кино үйүндө тажик тасмалары сунушталат. Соңунда опера-балет театрында гала-концерт болот.
Ушундай эле иш-чаралар Кара-Балта шаарында жана Чүйдүн Аламүдүн районунда да өтөт. (SE)
