Өндүрүш Токтонасыров бүгүн Ак үйдүн алдына “Конституциядан колуңарды тарткыла!” деген чакырык менен пикетке чыгарын "Азаттыкка" билдирди. Активист 2010-жылы кабыл алынган Конституция 2020-жылга чейин өзгөртүлбөсүн деген талап бардыгын жана аны сактоо зарылдыгын айтат.
Конституцияны өзгөртүү боюнча долбоор Жогорку Кеңештеги башкаруучу коалицияга кирген фракция лидерлери тарабынан демилгеленүүдө. Алар күзгү парламенттик шайлоо менен бирге Конституцияны өзгөртүү боюнча референдумду өткөрүүнү сунуштоодо. (AiT)
