Министрликтин 8-июндагы маалымдоосуна караганда, Кыргызстанда акыркы 40-50 жылда катталбаган ысык болууда. Тоолордо жылдагыдан кар көп. Күндүн кескин ысышы менен кардын ээрүүсү жана күтүлүп жаткан жаан-чачындар жер-жерлерде сел коркунучун күчөтүүдө. Ошондуктан өзгөчө кырдаалдар министри Кубатбек Боронов селге каршы чараларды күчөтүүгө буйрук берди.
8-июнда түнү Суусамырда асма көпүрөөнү сел алып, 50 чабан малы менен дарыянын аркы өйүзүндө калган. Аларга жардам берүү үчүн тийиштүү адистер жана жооптуу адамдар жөнөп кеткен. (AiT)
