Ага Бириккен улуттар уюмунун баш катчысы Пан Ги Мун жана ондогон өлкөнүн, эл аралык уюмдардын 1,5 миңдей өкүлү катышып жатат. Кыргыз делегациясын премьер-министр Темир Сариев баштап жүрөт.
БУУнун Башкы ассамблеясы 2005-2015-жылдарга белгиленген “Жашоо үчүн суу” деп аталган эл аралык он жылдык жарыялаган. Анда таза суу маселесин чечүү, ичер сууга жетпей жүргөндөрдүн санын кыскартуу, өнүгүп келаткан өлкөлөрдө сууну натыйжалуу пайдалануу жана суу ресурсун башкарууну жакшыртуу боюнча план иштеп чыгуу каралган.
Бул жыйында суу маселелери боюнча он жылдыктын жыйынтыгы чыгарылат жана алдыдагы иш-чаралар белгиленмекчи. (EBM)
