Парламенттин бүгүнкү жалпы жыйынында акыйкатчы Бакыт Аманбаевдин 2014-жылда аткарган иши боюнча баяндамасы каралат. Шейшемби күнү Жогорку Кеңештин Адам укуктары, конституциялык мыйзамдар жана мамлекеттик түзүлүш боюнча комитети омбудсмендин отчетун жактырган жок.
Мыйзам чыгаруу органынын маалыматына караганда, Бакыт Аманбаевдин отчету 14-апрелден бери күн тартибинде турат жана беш жолу башка күнгө калтырылган. Акыйкатчы мунун себеби эки жолу ооруп калганы, бир жолу иш сапар менен сыртка кеткенине байланыштуу экенин билдирген. (SE)
