Бүгүн Өкмөт үйүндө Саламаттыкты сактоо, Ички иштер жана Экономика министрликтеринде аткарылып жаткан иш талкууланат. Жыйынга премьер-министр Темир Сариев төрагалык кылат.
Өкмөттүн басма сөз кызматы билдиргендей, ички иштер министри Мелис Турганбаев жол коопсуздугу тармагындагы маселелер тууралуу баяндама жасайт. Саламаттыкты сактоо министри Талантбек Батыралиев коомчулуктун ден соолугун бекемдөө иштеринин күңгөй-тескейин айтып берет. Ал эми экономика министри Олег Панкратов Кыргызстандын 2016-жылга карата социалдык-экономикалык өнүгүү жаатындагы божомолун сунуштайт. (SE)
