Йеменде АКШ күчтөрү урган соккудан “ал-Каида” экстремисттик тобунун лидерлеринин бири, “Номур экинчи” башчы атыккан Насир ал-Вухайси өлтүрүлгөнүн CNN агенттиги кабарлады. Маалыматка ылайык, убагында Усама бен-Ладендин жакын кеңешчиси болгон Вухайси Хадрамаут районунда 12-июнь күнкү чабуулда каза тапкан. Азырынча “ал-Каида” бул тууралуу эч кандай билдирүү жасай элек.
Ал-Вухайси топту башкарууда Айман ал-Завахириден кийинки тепкичте болгон. АКШда террордук аракеттерди ишке ашырууга шектелип, издөөгө алынган эле. (SE)