Бул тууралуу вице-премьер-министр Валерий Диль “Кытай-Борбор Азия” аттуу форумдун алкагында Кытайдын Коммунисттик партиясынын саясий кеңешинин мүчөсү Мэн Цзяньчжу менен жолугушууда билдиргенин 16-июнда өкмөттүн маалымат кызматынан кабарлашты.
Жолугушууда ошондой эле энергетика, айыл чарбасы, тоо кен, инфраструктура жана транспорт тармактарында Кыргызстанда аткарылып жаткан долбоорлорду улантуу макулдашылган.
Эки тарап “Түндүк-түштүк” альтернативдүү жолун, Бишкек жылуулук борборун модернизациялоо үчүн кезектеги насыялык документтерге кол коюшкан. Форум Кытайдын Жичжао шаарында болгон. (AiT)
