"Бир дүйнө-Кыргызстан" укук коргоо кыймылы адам укугуна арналган тасмалардын кезектеги фестивалына фильмдерди кабыл алууну 24-июнга чейин узартты. Буга чейин акыркы мөөнөт 17-июнь деп айтылган эле. Мыкты даректүү тасмалар атайын топ карап чыккандан кийин июль айында иргелип алынат.
Быйыл тогузунчу ирет уюштурулуп жаткан “Бир дүйнө-Кыргызстан” эл аралык фестивалы 10-14 декабрда Бишкекте башталып, аймактарда уланат. (SE)
