Бети-башын жапкан жанкечти аял өзүн жардырып, 23 кишинин өмүрүн кыйган окуядан соң Чад бийлиги паранжа жамынууга тыюу салды. Бул тууралуу өкмөт башчы Кальзеубе Пахими Деубе мамлекеттин диний ишмерлери менен жолугушкандан соң билдирди.
Жанкечти аял борбор калаа Нджаменеде дүйшөмбү күнү өзүн жардырган. Бийлик муну “Боко Харам” тобу жасаган деп болжоп жатат. Аталган топ көп учурда терракттык пландарын аялдар аркылуу ишке ашырып келет.
