АКШнын Ирактагы аскердик-аба күчтөрүнүн соккуларынан улам “Ислам мамлекети” радикал тобунун өкүлү, 2012-жылкы АКШнын Бенгазидеги дипломатиялык миссиясына кол салууга тиешеси бар деп шектелген жаран өлтүрүлгөнүн Пентагон билдирди. АКШнын Коргоо министрлигинин маалымат катчысы Стив Уоррен кабарлагандай, Али Ауни ал-Харзи Түштүк Африкадагы жана Жакынкы Чыгыштагы «Ислам мамлекети» кыймылынын согушкерлери менен «тыгыз иштешкен».
- Харзинин өлүмү түштүкафрикалыктардын радикал топтордун Сириядагы жана Ирактагы согушка тартылуусун азайтат, - деди Уоррен.
Уоррендин айтымында, Харзи былтыртан бери «Ислам мамлекетинин» көзөмөлүндө турган Мосул шаарында жок кылынды.
2012-жылы 11-сентябрда АКШнын Бенгазидеги дипломатиялык миссиясына кол салуудан улам 4 адам каза тапкан, анын ичинде АКШнын Ливиядагы элчиси Крис Стивенс да бар болчу. Бул окуяга карата Вашингтондун реакциясы, ошол кездеги АКШнын мамлекеттик катчысы Хиллари Клинтондун аракеттерин Конгресстин комитети иликтенген. (ErN)