Сузак районунун Кара-Дарыя айыл аймагында 40 жаштагы жергиликтүү тургун күйдүргү илдетин жуктуруп алган болушу ыктымал деп ооруканага жаткырылды. Бул тууралуу бүгүн Өзгөчө кырдаалдар министрлигинен кабарлашты.
Күйдүргүнүн тери формасына шектелген Чаңгыр-Таш айылынын тургуну С.Хамидов учурда райондук аймактык оорукананын жугуштуу оорулар бөлүмүндө жатат. Анын анализдери лабораториялык изилдөөгө Жалал-Абад шаардык санитардык эпидемиологиялык көзөмөл борборуна жөнөтүлдү. (RK)