Кыргызстанда жарандык коом эркиндиги боюнча көрсөткүчтөр төмөндөөдө. Бул тууралуу Freedom House эл аралык укук коргоо уюмунун жаңы докладында айтылат. Уюмдун былтыркы жыл боюнча байкоосуна караганда, өкмөт жыйынга чогулуу эркиндиктерине жана бейөкмөт уюмдарга карата чектөөнү көбөйтүүдө.
Бирок буга карабастан өлкө Борбор Азия аймагындагы башка республикаларга караганда демократия жагынан алдыда баратат. Авторитардык режим деп мүнөздөлгөн коңшуларга салыштырганда Кыргызстанда жарым жартылай авторитардык режим өкүм сүрүүдө деп жазылган.
Толук кандуу демократиялуу өлкөлөр катарында Словения, Эстония, Латвия, Чехия, Польша, Литва жана Словакия турат. (RK)
