АКШнын Мамлекеттик департаменти жарыялаган 2014-жылдагы адам укуктарынын абалын иликтеген жаңы докладда Кыргызстанда сот процессинин бардык баскычтарында коргоону чараларын бузган учурлар жана тартип коргоо органдарынын талылуу топтор - азчылыктардан коркутуп акча өндүргөнү белгиленет. Беш жыл мурунку кандуу Ош окуясы боюнча “адилеттик орной элек” деп айтылат. “Өлкөдө зордук-зомбулукка жол берип, коррупциялык иштер менен алектенген күч органдарындагы жооптуу адамдардын жазасыз калышы” – адам укуктарын коргоодогу көйгөйлөрдүн бири деп аныкталат.