Жарандык коом өкүлдөрү газ баасын көтөрбөө талабы менен митинг уюштурмакчы. Ал Ак үй алдында өтөрүн “Азаттыкка” кабарлашты.
Өткөн жумада «Газпром Кыргызстан» компаниясы көгүлтүр отундун баасын кымбаттатууну сунуштаган. Анда тарифти баскыч-баскычы менен, он жыл бою ай сайын 3-5% көтөрүү керектиги айтылган болчу.
Кыргыз өкмөтү "Кыргызгаз" ишканасы карызга батып кетти деген жүйө менен аны Орусиянын "Газпромуна" 1 долларга карызы менен кошо 2014-жылы сатып, "Газпром Кыргызстан" ишканасы түзүлгөн. (SE)
