Конституциялык палатанын соттор коллегиясынын мүчөсү Клара Сооронкуловага тилектештик билдирүү максатында бүгүн жарандык коом өкүлдөрү Ак үйдүн алдына акцияга чыгышат. Бул тууралуу уюштуруучулар дүйшөмбү күнү кабарлашкан.
Сооронкулова жарандардан биометрикалык маалымат алуу мыйзамсыз деген пикирин айтканы үчүн парламенттин сунушунун негизинде Соттор кеңеши аны 18-июнда мөөнөтүнөн мурда иштен алуу чечимин чыгарган.
Ал арада бүгүн парламент депутаттары анын кызматтан бошотулушуна байланыштуу маселени жалпы жыйында карай турган болууда. (SE)
