Шаардык тез жардам кызматы күн ысык күндөрү гипертониктер, жүрөк дартына чалдыккандар жана кант диабетинен жабыркагандар, гепатит менен ооругандар сыртка чыгып, күнгө калбашы керектигин эскертүүдө. Дарыгерлер өзгөчө аба ырайы ысык учурларда көбүрөөк суюктук ичүүнү сунушташат. Анткени ысык учурда организм сууну көбүрөөк сарптай баштайт.
Эскерте кетсек, Өзгөчө кырдаалдар министрлиги 2-4-июль күндөрү Кыргызстандын аймактарында абанын температурасы 41 градуска чейин көтөрүлүшү мүмкүн деп чукул билдирүү таратты. Бишкекте бул күндөрү абанын температурасы 38-40 градус болот деп болжолдонууда. (AzK)
