Сириядагы адам укуктарына мониторинг жүргүзүүчү уюмдун 30-июнда билдиришинче, эки аял жана алардын күйөөлөрү “бакшылык кылат” деп айыпталган. Жихадчылар эки аялды жана алардын күйөөлөрүн 28-29-июнь күндөрү Сириянын чыгышындагы Дейр эл-Зор провинциясында өлтүрүшкөн.
“Ислам мамлекети” экстремисттик тобу туткундарды мыкаачылык менен, ал эми никесиз жыныстык катнашка барды деп шектелген аялдарды ташбараңга алып өлтүргөнү менен таанымал.