Германиянын мамлекеттик банкы KfW (Kreditanstalt für Wiederaufbau) уюмунун Кыргызстандагы бюросун ачуу боюнча макулдашуу ратификацияланды. Тийиштүү мыйзамга мамлекет башчы Алмазбек Атамбаев 1-июлда кол койгонун президенттик аппараттын басма сөз кызматы билдирди.
Аталган уюмдун иштешине уруксат берүү жөнүндөгү мыйзам Жогорку Кеңеште 26-июнда кабыл алынган.
KfW Германияда өкмөттүн акцияларынын 80%, федералдык жерлердин 20% ээлик кылат.
Банк Кыргызстандагы инфраструктуралык долбоорлорго каржылык көмөк көрсөтөрү күтүлүп жатат. (SE)
