Кыргызстанда жашаган түрдүү улуттун жазуучулары аймактарда өнөр адамдарынын катышуусунда “Биз достуктун үрөнүн себебиз” деген аталышта жолугушууларды өткөрүүдө. Мындай иш-чара алгач ирет уюштурулуп жатканын анын демилгечилеринин бири, кыргыз жана тажик жазуучусу, журналист Мирзахалим Каримов билдирди. Анын айтымында, бул иш-чара улут аралык ымаланы бекемдөөгө өбөлгө түзүп, түрдүү этностогу жазуучулардын да башын бириктирүүгө салымын кошот.
Достук жолугушуусу алгач Баткенде, андан кийин Ошто уюштурулуп, 2-июлда Жалал-Абад шаарында уланды. (RsK)
