АКШ президенти Барак Обамага жиберген куттуктоосунда мамлекет башчы Алмазбек Атамбаев кыргыз-америка мамилеси, демократияны бекемдөө, коопсуздук, экономика жана жарандык коомду өнүктүрүүдө кызматташтык жогорку деңгээлде экенин канааттануу менен белгилеген.
Президент өлкөлөр аралык достук жана кызматташтык мындан ары да толук түшүнүшүү жана конструктивдүү кызматташтыкта уланарына ишенерин айткан. Мындан сырткары куттуктоо телеграммада Барак Обамага ийгилик, америка элинин мындан ары гүлдөп-өсүү тилеги айтылган. Бул тууралуу Президенттик аппараттын маалыматтык саясат бөлүмүнөн кабарлашты. (КЕ)
