Латын Америкасынын футбол боюнча кубогунда Чили өз тарыхында биринчи жолу кубок жеңип алды. Аргентина менен финалдык оюндун негизги бөлүгүндө командалар гол киргизе алган жок. Ошону менен жеңүүчүнү пенальти тебүүлөр аныктады.
11 метрден топ тебүүдө талаа ээлери Чили курамасы таамай болуп, эсепти 4:1 кылышты. Натыйжада кубок Чилиде калып, ал эми Аргентина үчүнчү жолу катары менен финалда утулуп жатат.
Буга чейин Перу курамасы Парагвайды утуп, үчүнчү орунду алган эле. (SDz)
