Баткен районунун Өрүкзар аймагында авиабомба табылды. Бул тууралуу бүгүн Чек ара кызматынан кабарлашты. Учурда окуя болгон "Коргон" чек ара тозотунун жанында ыкчам топ иштеп жатат.
Авиациялык бомба учактан ыргытылат. 1999-2000-жылдары Баткенде согушкерлердин сырттан чек араны бузуп кирүү аракети жасалып, куралдуу салгылашуулардан бир нече аскер кызматкери жана жай тургун курман болгон. (RK)