Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 17:40

Текебаев КТРКнын жетекчилигин сынга алды


Өмүрбек Текебаев.

“Ата Мекен” фракциясынын лидери Өмүрбек Текебаев бүгүн партиянын соңку беш жылда жасаган иштери боюнча курган маалымат жыйынында журналисттерди эң көп кызыктырган суроо “Улуттар биримдиги” менен жакындашуу кадамы тууралуу болду.

Бир кездери Мелис Мырзакматовду "Бакиев бийлигинин куйругуна" салыштырып, азыр анын партиясы менен ымала куруп жатканы тууралуу сын маанайдагы суроо узаткан КТРКнын журналистине жооп берип жатып, башкы "атамекенчи" буларга токтолду:

- Сиз иштеп жаткан телевидениенин жетекчиси да убагында Максим Бакиевдин колунда иштеген. Илим Карыпбековго менден салам айтып барыңыз. Бакиевдин "куйруктарын" “Ата Мекенден” эмес, башка жактан издегиле. Мырзакматов бизди колдогону менен, партиябызга кошулган жок. Ал өз алдынча саясатчы.

Текебаев бийликчил КСДП партиясында да мурунку бийликтин адамдары бар экенин, Ак үйдүн жетинчи кабатында иштеп жатышканын кыйытып өттү. Ошондой эле Конституциялык палатанын мурдагы судьясы Клара Сооронкулованын кызматтан алынышын да азыркы бийликтин катасы катары сыпаттады. (SE)

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG