Евроаймак лидерлеринин саммити алдында немис канцлери Ангела Меркел Афина менен келишим жакынкы күндөрү жетишилерин кабарлаган. Бирок Грекия жаңы насыя алуу үчүн өлкө реформалар боюнча кайра эле милдеттенмелерди алууга тийиш.
Франциянын президенти Франсуа Олланд негизги максат - Грекияны Евроаймакта калтыруу экенин айтты. Анын айтымында, бул үчүн Афина ынандырарлык сунуштарды келтирүүгө тийиш. Олланддын маалыматы боюнча Греция тууралуу чечим жуманын аягына чейин кабыл алынуусу керек.
Мурдараак шейшембиде Брюсселде өткөн кеңешмеде евроаймактын каржы министри Греция конкреттүү сунуштарды айтпаганын билдирген.
