Кыргызстанда багар-көрөрү жок балдарга ылайыкташкан интернаттардагы өспүрүмдөрдүн 96% ата-энеси бар. Бир катар бейөкмөт уюмдар жүргүзгөн мониторингдин жыйынтыгы ушундай. Бул тууралуу “Азаттыкка” “Балдар укугун коргоо лигасынын” башчысы Назгүл Турдубекова билдирди. Анын айтымында, ушул тапта интернаттарда тарбияланып жаткан балдардын саны 11 миңге чамалайт. Алардын 4% гана тоголок жетим.
Серепчилер бул абалга оор шарттагы үй-бүлөлөрдү коргоо жаатында мамлекеттик саясаттын жоктугун себеп кылып көрсөтүшөт. (SE)