Табигый кырсыктарга байланыштуу чукул кырдаал жаралган учурда жабыркаган калктуу конуштардын маселеси бүгүн Бишкекте атайын уюштурулуп жаткан жыйында каралат. Аны Өзгөчө кырдаалдар министрлиги, өкмөт жана “Демократиялык жараяндарды изилдөө борбору” биргеликте “Парк-Отель” комплексинде өткөрөт. Уюштуруучулардын айтымында, маселе тийиштүү аткаминерлердин катышуусунда талкууланат.
Кыргызстанда калктуу конуштар негизинен селден жана көчкүдөн жабыркашат. Ошондой эле жайыттардын өрттөлүшү да тез-тез катталып турат.
Быйыл көп аймактарда айдоо аянттары суу ташкынында жараксыз абалга келди. (SE)
