Кыргызстанды Евразия экономикалык биримдигине кабыл алуу боюнча документке Орусия президенти Владимир Путин 13-июлда кол койду. Бул тууралуу орус президентинин расмий сайтында маалымдалат.
Мурдараак Орусиянын Мамлекеттик Думасы аталган келишимди ратификациялаган.
Уюмга кирүүнүн жол-жобосу боюнча, алгач документти биримдиктеги парламенттер жактырып, андан соң президенттери бекитиши керек. Андан соң Кыргызстан уюмга толук кандуу мүчө деп эсептелет. (МТо)