Улуттук статистика комитети Кыргызстанда бир адам үчүн айлык керектөөнүн баасы орточо эсепте 5400 сомду түзөрүн билдирди. Бул көрсөткүч ушул жылдын алгачкы алты айындагы чыгымдарды эсептөө аркылуу чыгарылды.
Аймактарга бөлүп караганда, Ош облусунда жашагандар көбүрөөк чыгым коротору маалым болду. Ал эми Ысык-Көл менен Талас облусундагылар тиричиликке башкаларга салыштырмалуу азыраак каражат сарптайт.
Азык-түлүктүн кымбатташына жараша квартал сайын жашоо минимумунун өлчөмү өзгөрүп турат. (SE)
