Каттоого алына элек “Другая Россия” партиясынын мүчөлөрү Санкт-Петербург шаарында Латвиянын консулдугу жайгашкан имараттын жанында нааразылык акциясын өткөрүштү. 14-июлдун кечинде болгон пикетте имаратка жумуртка жана түтүн толтурулган шашкалар ыргытылганын жергиликтүү булактар жазып чыкты.
Алар бул ыкма менен Латвияда колго түшкөн досторунун бошотулушун талап кылышты. Мурдараак Латвияда орусиялык үч жаран НАТОнун базасы жайгашкан аймакка кирип барганы үчүн кармалып, кылмыш иши козголгону кабарланган эле. (SE)
