Күздө боло турган парламенттик шайлоонун күнүн аныктоо жараянына байланыштуу бүгүн Бишкекте саясий партиялардын өкүлдөрү жана Борбордук шайлоо комиссиясынын мүчөлөрү жыйын курушат. Ошондой эле үгүт иштери тууралуу суроолорго жооп беришерин уюштуруучулар кабарлашты.
Борбордук шайлоо комиссиясы парламенттик шайлоону 4-октябрга белгилөө боюнча президентке сунуш киргизген. Мамлекет башчы 5-августка чейин бир чечимге келип, жооп бериши айтылууда.
Мыйзам боюнча, так дата шайлоого чейин эки жарым ай аралыгында аныкталышы керек. (SE)
