Бишкекте өтчү тегерек столду Улуттук стратегиялык иликтөө институту уюштурууда. Талкууга аталган мекеменин адистери, экономисттер жана башка серепчилер катышат. Анда Орусияга киргизилген экономикалык санкциялардан кийинки абал, кризистин кыргызстандык мигранттарга тийгизип жаткан таасири тууралуу кеп болот.
Расмий маалыматтар боюнча, ушул тапта Орусияда иштеп жүргөн кыргызстандык мигранттардын саны 600 миң чамалуу. Мурдагы жылдары алардан келип жаткан акчанын көлөмү 2 млрд. доллардан ашса, былтыртан бери бул көрсөткүч кыйла азайган. (ZKo)
