Линктер

ЧУКУЛ КАБАР!
26-Октябрь, 2021 шейшемби, Бишкек убактысы 05:50

Кен байлыктар боюнча элге түшүндүрүү иштери жүрүүдө


Иллюстрация

Геология жана минералдык ресурстар агенттиги менен Экономика министрлиги өлкөдөгү кен байлыктар жана аны иштетүүдөн түшчү каражаттар туурасында эл арасында түшүндүрүү иштерин жүргүзүүдө. Аталган агенттиктин маалымат катчысы Касиет Карачолокованын “Азаттыкка” айтымында, мындай иш-чара бүгүн Таласта Панфилов айылында өттү. 30дан ашуун киши катышкан семинарда жергиликтүү тургундар экологиянын сакталышы, салык, алтын кенди өнүктүрүү фонду, иштей турган компаниялар, ошол аймакка берилчү жардамдар туурасында суроолорду узатышты. Ушундай эле түшүндүрүү иштери өлкөнүн башка аймактарында да өткөрүлөт.

21-июлда Талас облусунун Бекмолдо айылында Жерүй кенин иштетүүгө каршы жыйын өткөн. Анда Жерүйдү иштетпөөнү, мөңгүлөрдү бузбоону, экологияны сактоону талап кылышкан. Кен байлыктарды иштетүүгө каршы митинг-акциялар Жалал-Абад, Чүй, Ысык-Көл жана башка аймактарда да болуп келет. Адистер элдин нааразылыгы маалымат жоктугунан келип чыгарын белгилешкен. (КЕ)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG