Бул тууралуу вице-премьер-министр Тайырбек Сарпашев Нарында болгон иш сапарында билдирди. Анын айтымында, биометрикалык каттоодон өтө элек адамдардын санын тактоо боюнча ар бир район башчыларына берилген тапшырмалар толук аткарылган эмес. Сарпашев акимдерге бул маалыматтарды 1-августка чейин тактоону тапшырды.
Нарын облусу боюнча 16 жаштан өткөн жарандардын саны 199 миң 692 адам болсо, анын 123 миңге жакыны биометрикалык каттоодон өткөн. Ал эми облустун аймагында каттоодо туруп, бирок сыртта жүргөндөр учурда ошол аймакта жашаган жерлеринен каттоодон өткөнүн өкмөттүн Нарын облусундагы өкүлчүлүгүнөн маалымдашты. (MiK)
