Сoncacaf-2015: Ямайка менен Мексика финалда ойнойт

Сoncacaf-2015тин алтын кубогунда үй ээлери болгон АКШнын курамы финалдык жолдомо үчүн оюнда Ямайкага багынды. Ямайка биринчи таймда эле эки гол киргизип, АКШ ага бир гана топ менен жооп берди. Ал эми Мексика финалга чыккан экинчи команда болду. Алар Панаманы 2:1 эсебинде утуп, онунчу жолу чемпион аталууга жакындашты.

Утулган командалар АКШ менен Панама 25-июлда 3-орун үчүн ойнойт. Ал эми финалдык оюн Филадельфия шаарында 26-июлда өтмөкчү.

Сoncacaf-2015тин алтын кубогу 9 жолу Мексикага багынган, АКШ кубокту 5 жолу уткан. (SDz)