Линктер

ЧУКУЛ КАБАР!
5-Декабрь, 2021 жекшемби, Бишкек убактысы 07:17

“Улуттар биримдиги” Мырзакматовго байланыштуу жыйын өткөрөт


“Улуттар биримдиги” партиясынын Оштогу саясий кеңеши бүгүн маалымат жыйынын өткөрүп, Мырзакматовдун үстүнөн жүргөн сот жараянына нааразылыгын билдиришмекчи. Партиянын саясий кеңешинин мүчөсү, Ош шаар кеңешинин депутаты Рысбек Мирзаматовдун “Азаттыкка” билдиргени боюнча, Мырзакматовго чыккан чечим саясий мүнөзгө ээ:

- Соттун бул чечимин Мырзакматовду шайлоого катыштырбоо аракети катары баалайбыз. Анткени 22-июлдагы сот Мырзакматовдун жактоочусунан жана соттогу башка өкүлдөрүнөн жашыруун, эч кимге кабарлабай, кечкисин өткөрүлүп, тымызын чечим чыкты. Бийлик Мырзакматовду ачык соттоодон чочулады.

22-июлда Ош шаардык соту мурдагы мэр Мелис Мырзакматовду “кызмат абалынан кыянаттык менен пайдаланган” деген айып менен үй-мүлкүн конфискациялап, өзүн жети жылга эркинен ажыратууга сыртынан өкүм чыгарган. Мурдагы мэрге Ош шаарындагы эстакада көпүрөсүн курууда мамлекетке 29 млн. сомдук зыян келтирген деген айып менен кылмыш иш козголгон. Мырзакматов муну “саясий куугунтук” деп атап, өлкөдөн чыгып кеткен.

Ош шаарынын мурдагы мэри Мелис Мырзакматов жетектеген “Улуттар биримдиги” партиясы жакында эле быйылкы парламенттик шайлоодо “Ата Мекен” партиясын колдорун билдирген. Айрым маалыматтар боюнча Мырзакматов "Ата Мекен" партиясынын тизмесинде алдыңкы беш талапкердин бири болуп шайлоого бармак. (ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG