Линктер

ЧУКУЛ КАБАР!
20-Октябрь, 2021 шаршемби, Бишкек убактысы 12:44

Евробиримдик Аскаровдун ишин иликтөөгө комиссия жиберет


Евробиримдик Кыргызстанда өмүр бою эркинен ажыратылган укук коргоочу Азимжан Аскаровдун ишин иликтөөгө комиссия жиберет. Бул тууралуу президент Алмазбек Атамбаев 27-июлда журналисттер менен жолугушуу учурунда билдирди:

- Биз бир нече жолу сунуш кылдык. АКШга да, Евробиримдикке жана башка өлкөлөрдүн өкүлдөрүнө “Иликтегиле, өзүңөрдүн адистериңерди жибергиле. Биз сиздер менен чогуу Азимжан Аскаровдун ишин кайра көтөрүп чыгып, иликтөөгө даярбыз” деп айттык. Мындай чечимди Евробиримдик кабыл алган, биз азыр алардын келишин күтүп жатабыз.

Президент Атамбаев Батыштын институттары Кыргызстанда сот көз карандысыз болушу керектигин баса белгилегени менен Аскаровго чыгарылган өкүмдү өзгөртүүнү бир нече ирет талап кылышканын дагы айтып кетти. Мамлекет башчы укук коргоочуга АКШнын Мамлекеттик департаменти берген сыйлыктан улам өкмөт башчынын кабыл алган чечимин колдоого аларын белгилеп, бул сыйлыктын артында улут аралык мамилеге от жагууга багытталып жасалган чагым тургандай сезилерин айтты.

АКШ Мамлекеттик департаменти 17-июль күнү кыргызстандык укук коргоочу, июнь окуясында киши өлтүрүүгө катыштыгы бар деген айып менен өмүр бою эркинен ажыратылган Азимжан Аскаровго “Адам укугун коргоочу” деген сыйлык берген. Муну кыргыз өкмөтү “кызматташкан тараптардын тең укуктуулугуна шек келтирди” деп баалап, АКШ менен кызматташууну жеңилдетүү тууралуу 1993-жылы 19-майда кол коюлган келишимди денонсациялаган. (ZKo)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG