Линктер

ЧУКУЛ КАБАР!
19-Октябрь, 2021 шейшемби, Бишкек убактысы 19:22

Ырчы Омар 26-августка чейин камалды


Талас облустук ички иштер башкармалыгынын маалымат катчысы Максат Абдысейитовдун "Азаттыкка" билдиришинче, ырчы Омар Талас райондук сотунун чечими менен 26-августка чейин камалды. Алдын ала маалыматтарга караганда, кечээ түнү ырчы Омар жүрөгү кармап, Талас облустук ооруканасына жеткирилген. Бүгүн анын абалы турукташып, ал тартип коргоо органдарынын кайтаруусунда жатат.

Шоу-бизнес жаатында Омар деген ат менен белгилүү болгон Өмүрбек Жанышевди Талас райондук милициясы “Кыргызстан” партиясы менен чогуу концерт бергени барган учурунда кармап, камакка алган. Ырчынын үстүнөн арыз жазып, милицияга кайрылган жабырлануучу, ишкер Болот Бейшеналиев Өмүрбек Жанышев шериги Нуржанбек Токтогулов менен чогуу өткөн жылы июнда ишкерден 40 тонна төө буурчак, 20 миң доллар акчасын алган боюнча кайра бербей, качып жүргөнүн билдирген.

Өткөн жумада милиция Нуржанбек Токтогуловду кармап, камакка алган. Алар “алдамчылык, алдап ири суммадага акча алган” деген шек менен камалууда.

Омардын продюсери Миргүл Омардын бул акчага эч кандай тиешеси жок экендигин айтып, муну куру доомат деп билдирүүдө. (AzK)

Пикирлерди көрүңүз (44)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG