Британ өкмөт башчысы Сингапурда сүйлөп, Лондон мыйзамсыз мигранттарды келтирбеш үчүн Париж менен жигердүү иштешип жатканын айтты:
- Каледеги маселе өтө тынчсыздандырат. Биз француздар менен колмо-кол иштешүүдөбүз. Биз Калени айланта курчаганга акча бердик. Биз Калеге ныпталаш Кокель шаарындагы туннелдин босогосун да айланта тосуп жатабыз.
Июндан бери эле туннель аркылуу Каледен Британияга өтмөк болгон 9 мигрант өлдү. Кечээ түнү 2 миңден ашуун мыйзамсыз мигрант Евротуннелге киргенге аракет кылышты.
Каленин четинде 5 миңдей мигрант (көбү Африка, Жакынкы Чыгыш жана Ооганстандан) конуш жасап алышкан жана поездге же кемеге жабышып, Британиянын жээгине жетүүнү каалашат.
