Адал пансионаттардын өзгөчөлүгү - азырынча алар жээктерди гана аялдар жана эркектер үчүн бөлүп коюшкан. Эс алуу жайларынын ээлери адал стандарттарынын талабын толук кандуу аткарууга азырынча мүмкүнчүлүк боло электигин айтышууда. Мындай эс алуу жайларына азырынча талаптын аз болгонуна байланыштуу айрым учурларда башка дагы туристтер кабыл алынууда. Туристтик компаниялар адал стандарттагы пансионаттарды көбүнесе Египет, Кувейт, Сауд Аравиядан келген туристтерге сунушташууда.
Ысык-Көл: адал пляж
Ысык-Көлдө быйылкы сезондо адал стандартындагы беш пляж иштеп жатат. Анын экөө кичи эс алуу жайлары менен болсо, үчөө жөн гана акы төлөнүүчү пляждар.
1
2
Корумду айылындагы адал стандарттагы кичи пансионат. Эс алуу жайы быйыл жаңы ачылып, туристтерди кабыл ала баштады. Бирок пансионат ээлери учурда толук кандуу адал стандарттарын колдоно электигин айтышууда.
3
Бостери айылындагы Ихлас эс алуу жайынын пляжы. Эс алуу жайынын ээлери жээкти экиге бөлүп, үч-төрт жылдан бери акы төлөөнүн негизинде эс алуучуларды кабыл алып жатышат.
4
Адал пансионаттарга суроо-талап азырынча аз. Мусулмандар пляжынан 5-6 кишини гана көрүүгө болот.
5
6
Ихлас эс алуу борборунун курулушу жүрүп жатат. Келечекте 200-300 киши бата тургандай пансионат куруу пландалууда.
7
Эреже сактабаган эс алуучулар пляждан чыгарылат. Коюлган талаптардын аткарылышын көзөмөлдөгөн кароолчулар иштешет.
8
9
10
Пляждын аялдар бөлүгү чөп-чардан тазаланып, жээк тегерете тосулуп, эс алуучуларды кабыл алууга даярдалып жатат.
11
12
