2-3-августта Орусия тышкы иштер министри Сергей Лавров Катардагы иш сапарынын алкагында АКШнын мамлекеттик катчысы Жон Керри жана Сауд Аравиясынын тышкы иштер министри Адел ал-Жубейр менен сүйлөшүүлөрдү жүргүзөт.
Орусия тараптын маалыматына ылайык, алар Сирия, Йемен жана Ливиядагы кырдаалды талкуулап, өздөрүн “Ислам мамлекети” деп атап алган радикал топко каршы бирге күрөшүү жөнүндө сүйлөшүшөт.
Буга чейин 24-июлда АКШнын мамлекеттик катчысы Жон Керри Лавров менен жолугушуу пландалып жатканын маалымдаган.
