Түркмөнстандын президенти Гурбангулы Бердимухаммедовдун Кыргызстанга мамлекеттик сапары 5-6-август күндөргө белгиленген. Жолугушуулар Ала-Арчадагы резиденцияда өтөт.
Президенттик аппараттын басма сөз кызматынан “Азаттыкка” кабарлашкандай, эки күндүк сапардын алкагында Гурбангулы Бердимухаммедов Алмазбек Атамбаев баш болгон бийлик өкүлдөрү менен жолугуп, мамлекеттер аралык кызматташуу жана соода-экономикалык ымаланы жандантуу жаатындагы макулдашууларга кол коюшат.
Түркмөнбашы акыркы ирет Кыргызстанга 2007-жылы ШКУнун жыйынына ардактуу конок катары келген. (SE)
