8-августта «Аптап» фестивалынын алкагында индиялык форматтагы «Холли» боёк фестивалы, Stand Up Comedy Show тамаша таймашы жана музыкалык кече уюштурулат.
Ал Сары-Ой айылындагы "Радуга" пансионатынын жээгинде өтөт
“Кечеге 20дан ашуун кыргызстандык жана казакстандык маданият өкүлдөрү катышат. Ал жерде жаш балдар үчүн атайын оюн-зооктор, чоңдор үчүн кечинде дискотека уюштурулат. Фонограммасыз ырдаган артисттер жана шаңдуу музыка эч кимди кайдыгер калтырбайт”, - дейт иш-чараны уюштуруп жаткан бишкектик чыгармачыл жаштардын бири Султан Рахимов.
Кече аягында атайын флешмоб өтүп, жасалма кол чырактар асманга учурулат. (МТо)
