Орусиянын кургактагы аскеринин мурдагы кол башчысы Владимир Чиркин “кызмат учурунда пара алган” деген айып менен беш жылга соттолду. Москванын аскердик сотунун өкүмү бүгүн чыкты. Сот Чиркинди 2008-жылы отставкадагы офицерге үй алып берүү үчүн 450 миң рубль пара алганы үчүн айыптуу деп тапты. Ал кезде Чиркин Москва аскердик округунун башчысынын орун басары болгон. 2012-2013-жылдары болсо, Орусиянын кургактагы аскерлеринин кол башчысы кызматын аркалаган.
