Бул тууралуу “Азаттыкка” “Улуттар Биримдиги” саясий партиясынын түштүк аймагы боюнча штабынын башчысы Абжапар Аккулов билдирди.
"Мырзакматовго карата сот чечими мыйзамсыз кабыл алынды. Ага нааразылык иретинде “Улуттар биримдиги” партиясы жер-жерлерде мөөнөтсүз митингдерди өткөрүүнү пландап жатат», - деди Аккулов. Бирок нааразыяылык акциялары кайсы күнгө белгиленгени азырынча белгисиз.
Ош шаардык соту Мырзакматовду мэр болуп турганда эстакада көпүрөнү курууга 29 миллион сомду мыйзамсыз короткон деген айып менен 22-июлда сыртынан жети жылга соттоп, үй-мүлкүн конфискациялоо чечимин чыгарган. Мырзакматовдун жактоочулары Ош шаардык сотунун ага карата өкүмүнүн мыйзамдуулугун кароону суранып, Конституциялык палатага кайрылышкан.
Бирок 17-августта Ош облустук соту Мелис Мырзакматов боюнча шаардык соттун өкүмүн карап, аны өзгөртүүсүз калтырган болчу. (YI)
