Өкмөт башчы Темир Сариев Бишкек мэриясынын жетекчи кызматкерлери менен жолугушуп жатып, шаардагы жол курулушуна нааразылыгын билдирди.
"Эртең менен шаарды кыдырып, жолдорду оңдоп-түзөө кандай жүрүп жатканын, биринчи кыдырганда берген тапшырма кандай аткарылганын текшердик. Майда жолдун жыртык-тешигин бүтөш үчүн 29 миллион сом каралган. Кийин 187 млн. сом коштук. Үнөмдөөнүн натыйжасында дагы 107 млн. табылды. Кытай гранты да бар. 1- сентябрга бардык жолдорду бүтүрүү тапшырылган. Бирок алардын темпи канааттандырарлык эмес”, -деди Сариев. (MTo)
