Өзгөчө кырдаалдар министри Кубатбек Боронов “Азаттыкка” Чычкандагы өрт кечке чейин толук өчүрүлөрүн билдирди. Анын айтуусунда, Казакстандан чакырылган МИ-26 тик учагынын жардамы менен кечээтен бери өрттүн эки чоң очогу өчүрүлдү жана бүгүн түштөн кийин калгандары өчүрүлөт. Аталган тик учакка 15 тонна суу батат.
Учурда өрт өчүрүүгө 844 киши тартылган. Алардын 230 жергиликтүү тургундар. Тилсиз жоо ушул жылдын 13-августунда башталган, андан бери 120 гектарга жакын кургак чөп жана бадалдар күйүп кетти. (UEz)
