Линктер

шаршемби, 20-сентябрь, 2017 Бишкек убактысы 11:42

Кыргыз аскерлери Орусияга машыгууга жөнөп кетти


Бүгүн, 22-августта кыргыз армиясынан атайын топ 22-28-август күндөрү Орусиянын Псков облусундагы аба десанттык борбордук полигонунда өтө турган “Өз ара аракеттенүү – 2015” аттуу машыгууга кетишти. Бул тууралуу Кыргызстандын Куралдуу күчтөрүнүн штабы маалымдады.

Аталган машыгууга Орусия, Армения, Беларус, Казакстан жана Тажикстан өлкөлөрүнөн эки миңден ашык адам катышуусу күтүлүүдө. Ал эми кыргыз тараптан элүүгө жакын адам барат.

Машыгуунун алкагында Жамааттык коопсуздук келишим уюмунун (ЖККУ) аскер контингенттерин башкаруу боюнча милдеттер иштелип чыгат. Анда куралдуу кагылышууну токтотуу, мыйзамсыз куралдуу түзүлүштөрдү жок кылуу, өзгөчө кырдаалдардын кесепетин жоюу, маанилүү стратегиялык объекттерди, курал-жарактарды, аскер техникаларын кайтаруу сыяктуу программалар камтылган. Ушундай машыгуу өткөн жылы Казакстан аймагында өткөрүлгөн. (TSh)

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG