Улуттар Уюмунун адам укуктары боюнча комиссариаты Ирактын Күрт автономиялуу аймагында бир кишинин жана анын эки жубайынын соттун өкүмү менен өлтүрүлүшүн айыптады. Алар эки кызды уурдап өлтүргөндүгү үчүн айыпталган.
Комиссариаттын 25-августтагы билдирүүсүндө айтылгандай, Фархад Жаафар Махмуд, Кунча Хассан Исмаели жана Бериван Хайдер Карим 12-августта дарга асылган. Соттун өкүмү болсо 2014-жылдын апрелинде чыгарылган. Автономияда 2008-жылы өлүм жазаларын аткарууга “расмий эмес мораторий" жарыяланган. Ал эми аймактын Жогорку сот кеңешинин өкүлү президент Масуд Барзани ал чечимди жактырганын билдирди. БУУнун мекемеси белгилегендей, Иракта 2004-жылы өлүм жазасы калыбына келтиригенден бери 600дөн көп киши өмүрүнөн ажыратылган.
