Бүгүнкү форумдун жыйынтыгында бир катар ишканалар менен өкмөт ортосунда 20дан ашуун келишимге кол коюлат. Бул тууралуу жыйындын ачылышында сүйлөп жатып биринчи вице-премьер-министр Тайырбек Сарпашев айтты. Форумга жергиликтүү ишкерлер менен катар Британия, Түркия, Орусия, Катар, Түштүк Корея, Казакстан жана Кытайдан келген ишкерлер да катышууда. Кол коюла турган келишимдердин басымдуу бөлүгү айыл чарба жана кен казуу тармагындагы долбоорлор болуп саналат.
Форумдагы талкуулар тармактар боюнча өз-өзүнчө да уюштурулат. (SE)
